မိုးကုတ်မြို့တွင်းမှာရှိတဲ့ စာသင်ကျောင်းများနှင့် မိဘမဲ့ကလေးများအား ဂုရုကြီး အက်စ်အန် ဦးဂိုအင်္ဂါ ၏ နည်းလမ်းအတိုင်း မိုးကုတ်မြို့မှ ဂုရုကြီး၏ ရိပ်သာခွဲများဖြစ်သော ဓမ္မမကုဋ နှင့် ဓမ္မရတနာ ရိပ်သားများမှ ဦးစီး၍ ကလေးအာနာပါန သင်တန်းအား နှစ်စဉ်နှစ်တိုင်း ဆောင်ရွက်ပေးခဲ့ကြပါသည်။
အ.လ.က (၁) ရှမ်းတောကျောင်းတွင် ဒုတိယ အကြိမ်မြောက် ကလေးအာနာပါန သင်တန်းကို (၁၆.၈.၂၀၀၈) နှင့် (၁၇.ဂ.၂၀၀၈)ထိနှစ်ရက်ပြုလုပ်ပေးရမှာ ပထမနေ့တွင် ယောဂီ ၁၉၆ ဦးနှင့် ဒုတိယနေ့တွင် ၁၆၆ ဦး ၀င်ရောက်ခဲ့ပါသည်။
အ.ထ.က (၁) တွင် ဆဌမ အကြိမ်မြောက် ကလေး အာနာပါန သင်တန်းကို (၃၀.၈.၂၀၀၈) နှင့် (၃၁.၈.၂၀၀၈) ထိနှစ်ရက်ပြုလုပ်ပေးခဲ့ ကြပါတယ် ပထမနေ့တွင် ယောဂီ ၂၅၈ ဦးနှင့် ဒုတိယနေ့တွင် ယောဂီ ၂၀၃ ဦး ၀င်ရောက်ခဲ့ပါသည်။
အ.ထ.က (၄) လယ်ဦးကျောင်းတွင် ဒုတိယ အကြိမ်မြောက် ကလေး အာနာပါန သင်တန်းကို (၁၃.၉.၂၀၀၈) နှင့် (၁၄.၉.၂၀၀၈) ထိနှစ်ရက်ပြုလုပ်ပေးရတွင် ပထမနေ့တွင် ယောဂီ ၁၉၀ ဦးနှင့် ဒုတိယနေ့တွင် ၁၉၆ ဦး ၀င်ရောက်ခဲ့ပါသည်။
ဝိုင်းဝန်း ကူညီပေးခဲ့ကြသော ကလေးတရားပြ ဆရာ၊ ဆရာမ နှင့်အတူ သက်ဆိုင်ရာ ကျောင်းဆရာ၊ ဆရာမများ နှင့်တကွ စေတနာ ထက်သန်စွာကူညီပေးခဲ့ ကြသော ဓမ္မလုပ်သားများအား ကျေးဇူးတင်လျက် သာဓုအနှမောဒန ခေါ်ဆိုပါသည်။
ကလေး အာနာပါန သင်တန်းတွင် မှတ်တမ်းတင်ခဲ့သော ပုံရိပ်တစ်ချို့ကို တင်ပေးလိုက်ပါတယ်။
ကောင်မလေးရေ....အချိန်နာရီတွေ တရွေ့ရွေ့ ပြောင်းလဲခဲ့ပေမဲ့ မပြောင်းလဲ မဟောင်းနိုင်သေးတဲ့ သမိုင်းဝင်ချစ်ခြင်းလေး ရာဇ၀င်ထဲကလို စံတင်မိချင်တယ် တွေးတောကြိုတင် မြင်နိုင်စွမ်းမရှိတဲ့ အနာဂတ်ကံကြမ္မာကို တွေးတောပူပန် စိုးရိမ်စိတ်တွေနဲ့ တုန်လှုပ်နေမဲ့အစား အကြင်နာစကားလေးတွေနဲ့ ရင်ခုန်စွာ တစ်ဦးကို တစ်ဦး နားလည်လက်ခံယူရင်း အပြန်အလှန် နွေးထွေးမူ့လေးတွေ ရှိခဲ့ကြမယ်ဆိုရင် ပိုမကောင်းဘူးလား တစ်ယောက်နဲ့တစ်ယောက် ဝေးကွာ နေချိန်မှာ အကြင်နာစိတ်လေးတွေနဲ့ နွေးထွေးစွာ ရှိနေမယ်ဆိုရင် စိတ်ညစ်စရာလေးတွေဟာ တဒင်္ဂခဏအနေနဲ့ လွင့်ပျောက်သွားကြမှာပါ တနယ်စီ ခြားနေကြတဲ့ ကန့်သတ်ခြင်း နယ်နမိတ်တွေကြားမှာ နားလည်မူ့လေးဟာ ငါတို့နှစ်ယောက်အတွက် ဖြေဆေးလေးတစ်ရယ်ပါ ဒီအားဆေးလေးကို မင်းရောတို့ပါ မျက်ကွယ်ပြုလို့ မရဘူးလေ နှောင်ကြိုးတစ်မျှင်နဲ့ ရစ်ဖွဲ့ထားတဲ့ သံယောဇဉ်ကြိုးလေး တစ်ချောင်းဟာ မင်းနဲ့ငါရဲ့ အသက်ဆိုရင် မှားမယ်မထင်ပါဘူး ဒီချစ်ခြင်းရဲ့ စွမ်းအားလေးရရှိဖို့ ကြိုးစားခဲ့ရတဲ့ ၀ိရိယလေး လျော့နေမယ်ဆိုရင် ရှင်သန်းခြင်းတွေ ဖြစ်နေအုံးမှာတဲ့လား စိတ်မပျက်လိုက်ပါနဲ့ ချစ်သူ အားငယ်နေမယ်ဆိုရင် တိုးသထက်တိုးပြီး ယုယစွာ အားပေးနေမှာပါ ငါ့ဘက်က လိုနေသေးတယ်ဆိုရင် မင်းလေးက ထောက်ပြပြီး အားနည်းချက်တွေ နားလည်စွာနာ လမ်းတည့်ပေးပါ ဒီလိုညီညွတ်လှပနေမယ်ဆိုရင် ချစ်ခြင်းလေးဟာ ခိုင်မြဲစိုပြေ လှပနေခဲ့မှာပါ အလျှော့မရှိတဲ့ မာနတွေ တင်းလွန်းတဲ့ စည်းကမ်းတွေနဲ့ ဆိုရင် ဘယ်မှာလာပြီး ပျောက်ရွှင်မူ့တွေရှိနိုင်မှာ တဲ့လဲ အလျှော့အတင်းကို ဟန်ချက်ညီညီနဲ့ ကိုင်တွယ်ရင်း အဆိပ်မသင့်အောင် ကြိုးစားရမယ်လေ ဒါမှလဲ ခါးသီးမူ့တွေ မရှိမှာပေါ့ ငါလိုချင်တာ အချစ်နဲ့ငြိမ်ချမ်းရေးပါ မမြဲမပျက် တောက်လောင်နေတဲ့ ဒေါသမာန အမုန်းမီးပွားတွေ မဟုတ်ပါခဲ့ဘူး ချစ်ခြင်းမူများစွာနဲ့ ထုံးဖွဲ့ထားတဲ့ အကြင်နာအင်အားလေး တစ်ခုကိုသာ အတောင်းတဆုံး အလိုချင် အမျှော်လင့်ဆုံး တစ်ခုရယ်ပါ စံချိန်မှီ တော်ဝင်ပန်းလေးတစ်ပွင့်လို လှပခန်းနားစွာ တော်ဝင်လိုက်ချင်ပါရဲ့......
ရင်ခုန်ခြင်း များစွာနဲ့ တရှိုက်ရှိုက်မက်မက် ဖြစ်ခဲ့ဘူးတဲ့အတွက် အသဲနှလုံးတွေ ဗြောင်းဆန်သွားပါစေ အစွမ်းကုန်ပေဆပ် လိုက်ချင်တယ် ဒီအတွက် နောင်တဆိုတာလဲ မရှိစေချင်ဘူး ရင်နာစရာကြုံလာရင်တောင်မှ တမင်တကာ အငြိူးမထားရက်ပဲ ဖြည့်ဆည်းသူ တစ်ယောက်အဖြစ်နဲ့ ဂုဏ်ယူစွာ မျက်ရည်ေ၀၀ဲရင်း ဝေဒနာကို ကြိတ်မှိတ်ခံခဲ့မှာပါ တောင်ဝင်ချင်တဲ့ ငါ့စိတ်လေး မယိမ်းနွဲ့ချင်ဘူး အခါတစ်ရာ မေးရင်တောင် ဒီမေးခွန်းတွေထက်နေမဲ့ ငါ့မနော်အာရုံကို စီစစ်စရာမလိုအောင် သေချာပြီးသားပါ မသေချာတဲ့ဘ၀ သေချာအောင် ငါ့နှလုံးသားကို အရင်းတည်စတေးပြီး အချစ်ကို ကြေငြာလိုက်ချင်ပါတယ် မင်းရဲ့ကိုယ်စား ကိုယ်ပွားလေးအဖြစ် သိမ်းဆည်းထားခဲ့တဲ့ မင်းရဲ့ရုပ်ပုံလွာ ဓာတ်ပုံလေးကိုမြင်လိုက်တိုင်း ရင်ထဲက အလိုလို ဆွဲယူအားတွေ သက်ဝင်လာခဲ့ရတယ် ဖမ်းစားနိုင်လွန်းတဲ့ ချစ်သူရုပ်ပုံ လှလှလေးကို စူးစိုက်စွာငေးမောကြည့်မိရင်း သတိလက်လွတ်ဖြစ်ကာ ညင်သာစွာတိတ်သဆိတ်နဲ့ နမ်းရှိုက်ခဲ့ရတာလဲ ရင်ခုန် ရင်မောစရာ တစ်ခုပဲပေါ့ ဓာတ်ပုံပိုင်ရှင် မင်းသမီးလေးကို အနမ်းဒဏ္ဍရီခရီးနဲ့ ဆက်လက်အသက်ရှင်ရင်း အမှတ်တရ မှတ်တမ်းတင်နေမိတယ် ညများစွာထဲက မအိပ်စက်နိုင်သေးတဲ့ တမ်းတခြင်းလေးနဲ့ အတူ လက်တွေဘ၀ ခံစားမူ့လေးတွေဟာ ကဗျာဆန်ဆန် သိမ်မွေ့ နက်ရှိုင်းလွန်းနေခဲ့တယ် ပုံပြင်တွေမဟုတ်တဲ့ အလွမ်းညများစွာဟာ အထီးကျန်စွာ ကုန်ဆုံးခဲ့ရင်း ငါမြတ်နိုးရတဲ့ မင်းကို မျှော်လင့်ခြင်းဇောတွေနဲ့ လွင့်မျှောခဲ့ရင်း နိုးတ၀က် အိပ်ပျက်ခဲ့ရတဲ့ငါ့ရဲ့အဖြစ်အပျက်လေးတွေ ဓာတ်ပုံသာ စကားပြောတတ်ခဲ့မယ်ဆိုရင် သတင်းတွေ ပေါက်ကြားလောက်ရောပေါ့ ခုတော့ ဓာတ်ပုံလေးဟာ စကားမပြောတတ်တော့  ငါ့တစ်ယောက်ထဲ တိတ်ဆိတ်စွာ ညဉ်းညူးနေယုံပါ မသိစိတ်တွေက တစ်ဆင့် ရိုက်ခက်လာမဲ့ အချစ်ရဲ့ စေ့ဆော်မူ့ လေးတွေ လေဟာနယ်ထဲကို လွင့်ပျံရင်း မင်းရှိရာကို ကူးခတ် ရောက်ရှိ နှိင်ပါစေလို့ ဆုတောင်းယုံက လွဲပြီး လွမ်းရတဲ့ ညတွေ ကုန်လွန်နှိုင်ပါစေ ဖြစ်ချင်တာတွေ ဖြစ်နေတတ်တဲ့ လောကဓမ္မရဲ့ တရားအောက်မှာ မရင့်ကျတ်သေးတဲ့ ပုထုဇဉ် လူနှစ်ယောက်ရဲ့ ချစ်ခြင်းအလွမ်း ပြဇာတ်တွေဟာ ကံစီမံရာပဲပေါ့ နှောင်းကြိုးတွယ်တာရာ လှောင်အိမ်စံ ဘ၀တွေမို့တူယှဉ်စွာ ကူးခက်ရင်း ဘ၀အမောတွေကို ချစ်စိတ်တွေနဲ့ ဖြေတတ်အောင် ကြိုးစားရအုံးမှာပေါ့ အကြင်နာအင်အားတွေနဲ့ အညံမခံကျော်လွားရင်း ကိန္နရီမောင်နှံလို ကကြိုးဆက်ရအောင်လား...........
ချစ်မိပြန်တော့လဲ လွမ်းမိပြန်တယ် လွမ်းရဖန်များတော့လဲ သတိရခြင်းတွေ ပိုပိုများလာခဲ့တယ် အပြင်ရုပ်မှာတော့ အသွင်အပြင်ခန်းနားပေမယ့် အတွင်းစိတ်မှာတော့ အလွမ်းမုန်တိုင်းထန်နေတယ် အလွမ်းမိုးတွေထဲမှာ ခိုက်ခိုက်တုန်ရင်း အလွမ်းဖျားလေး ဖျားနေတတ်ခဲ့တယ် မင်းရော ငါ့လို လွမ်းတတ်နေပြီလား ဟင်........................
စွတ်စွတ်ဖြူနေတဲ့ မိုးဖွဲပွင့်တွေကြားမှာ လွှင့်ခနဲ့ တွေ့လိုက်ရတဲ့ နှစ်ထောင့်ရှစ်ခုရဲ့ ဇွန်လှိုင်လဟာ အေးချမ်းမူ့တွေနဲ့ ရွှန်းစိုသက်ဝင်နေပါပြီ။ လူသားတိုင်းမှာ စိတ်ကူးယဉ်အိမ်မက် ကိုယ်စီရှိကြမှာပါ ဒီအိမ်မက်တွေကို အကောင်အထည်ဖော်ဖို့ ကိုယ်ရပ်တည် ကျင်လည်နေတဲ့ အသိုင်းအ၀ိုင်းမှာ သင်ယူလေ့လာ စူးစမ်းနေရတာလဲ ဧကန်ပါပဲ ဒီလိုပဲ လောကကြီးရဲ့ အလှတရားကို ရှာဖွေစူးစမ်း နေကြတဲ့ လူတွေလဲ ရှိပါတယ် ကျွန်တော်ကတော့ သက္ကရာဇ်တွေထဲက ရာသီတိုင်းရဲ့ အလှတရားတွေကို မှီပြီး ခံစားချက်တွေ အမြဲရှိနေတတ်တယ် ကြည်နူးခြင်း၊ ကြေကွဲခြင်း အစုံပါပဲ ခုတော့ ဇွန်လှိုင်လမှာ ဖြစ်လာတဲ့ ခံစားချက်တွေထဲက တစ်ချို့ကို စာလုံးလေးတွေအဖြစ် ပြောင်းလဲတင်ပြ ရင်ဖွင့်လိုက်ပါတယ်ဗျာ...............
ခုလိုမိုးရာသီမှာ အလွမ်းဓာတ်ခံ ရှိပြီးသာ သူတွေအတွက် ပိုလွမ်းစရာ ကောင်းနေတတ်တယ် မိုးစက်ပွင့်တွေကို တိုးဝှေ့ခံစားရင်း ဆောင်းဦးရဲ့ ပြတင်းပေါက်ကို ဖွင့်ဖို့ကြိုးစားနေတဲ့ ဇွန်လှိုင်မှာ ချစ်ခြင်းမေတ္တာတွေကို ပီပြင်စေတဲ့ ချစ်သူများရဲ့ ရန်ခုန်သံတွေဟာလဲ နှူးညံ့နေတတ်ပါတယ် ဒါကြောင့် အေးစက်တဲ့ မိုးစက်ပွင့်နဲ့ချစ်ခြင်းရနံ့လေးတွေ ပေါင်းစပ်ပါဝင်နေတဲ့ ဒီလလေးမှာ ချစ်တတ်သူတို့ အတွက် ကြည်နူးစရာ ရင်ခုန်ခြင်းများကို ဖန်းတီးပေးမယ့် နေ့လေးတစ်နေ့ ပါဝင်လို့နေပြန်ပါတယ်။ အပြောကျယ်လှတဲ့ ဒီကမ္ဘာကြီးမှာ လူပြောသူပြောများတဲ့ ချစ်ခြင်းတရားဟာ အဆုံးမရှိသလို နက်နဲတဲ့ ချစ်ခြင်းမေတ္တာကို သိမ်မွေ့တဲ့ နှလုံးသားဖြင့်သာ ခံစားသိမြင်နိုင်မှာပါ ထို့အတူ နူးညံသောလည် ခိုင်မာလှတဲ့ ချစ်ခြင်းမေတ္တာတွေကို ထာဝရရှင်သန်နိုင်ဖို့ သစ္စာရှိစွာနဲ့ စူးရှတဲ့ချစ်ခြင်းတို့ ပေါင်းစပ်ဖို့ လိုအပ်တယ်လို့ ယုံကြည်မိပါတယ်။ သူငယ်ချင်းတို့ကျွန်တော်တို့ ရင်မှာ ချစ်ခြင်းတရားတွေရှိပြီးဖြစ်လို့ ဒီချစ်ခြင်းတွေကို ခိုင်မာတည်မြဲဖို့ သစ္စာတရားကို အခြေခံပြီး ချစ်ခြင်းမေတ္တာအားကြီးအောင် ကြိုးစားဖို့ပဲလိုပါတယ်.........
ဒါကြောင့် ခုလိုအေးချမ်းတဲ့ မိုးရာသီနဲ့အတူ မေတ္တာရနံတွေ သင်ပျံနေတဲ့ ဇွန်လှိုင်လမှာ ကျွန်တော့်ရဲ့ ဘလော့ကို လာရောက်အားပေးတဲ့ သူငယ်ချင်းတို့လဲ ချစ်ခြင်းရနံ၊ မေတ္တာရနံတွေနဲ့ ထာဝရ သင်းပျံလန်းဆန်း နှိင်ပါစေလို့ မိုးစက်ပွင့်တွေကို သက်သေပြုလို့ ဆုမွန်ခြွေလိုက်ပါတယ်ဗျာ.............
၁၂.၆.၂၀၀၈ ဒီနေ့မိုးတွေ အပြင်မှာအရမ်းကိုအုံ့ ဆိုင်းနေပါတယ် ဒါနဲ့ ဟိုယောင်ယောင် ဒီယောင်ယောင် နေပြီးအိမ်တွင်းအောင်း နေခဲ့ရတယ် မြ၀တီကလွှင့်တဲ့ ဇတ်လမ်းပြီးလို့ ယူရိုနှစ်ထောင်ရှစ် ဘော့လုံးပွဲ ကြည့်နေတုန်း ညတစ်နာရီမှာ မိုးက သည်းသည်းမည်းမည်းကို ရွာလာပါသည် တစ်ညလုံးရွာလိုက်တဲ့ မိုးက မနက် ဆယ်နှာရီလောက်မှ ဆဲသွားခဲ့ပါတယ် အကျိုးဆက်အနေနဲ့ မြို့ထဲက နေရာတော်တော်များများမှာ တောင်ပြို(မြေပြို)ြုပီး ရေကြီးခဲ့ပါတယ် ဒီထက်ဆိုးဝါးသာက လူဆယ်နှစ်ယောက်လောက် သေဆုံးခဲ့ရပြီး ခြောက်ဆယ်ကျော်လောက်က အိုးအိမ်မဲ့ ဖြစ်သွားခဲ့ရတယ် ဒီထဲမှာ မောင်နှမလေးယောက်ကအိပ်နေတုန်း ရေနဲ့မျှောပါသေဆုံးခဲ့ရပါတယ် တောင်ပြိုမြေပိပြီး သေဆုံးခဲ့သူများကတော့ ခြောက်ယောက် ကိုယ်ဝန်သည် မိခင်အပါ ခုနှစ်ယောက်ပါ ဒီတစ်ခါရေကြီးမူဟာ ဒုတိယအကြိမ်ဖြစ်ပြီး မိုးကုတ်မြို့ရဲ့သမိုင်းမှာ အကြီးကျယ်ဆုံးဖြစ်ရပ်တစ်ခုပါ .............
မိုးကုတ်မြို့ကို တောင်နဲ့မြှောက်ဖြတ်ပြီး စီးဆင်းနေတဲ့ ရေနီချောင်းဆိုတာ ရှိပါသည် မိုးကုတ်မြို့ရဲ့ ရာဇ၀င်မှာ အရေးပါတဲ့ ချောင်းလေးတစ်ခုပေါ့ဗျာ ရှေးလူကြီးတွေ ပြောထားတဲ့ အယူအဆ တစ်ခုရှိပါတယ် ဒီရေနီချောင်းက ရေတွေတာ ကြည်လင်သွားမယ် ဆိုရင် မိုးကုတ်မြို့နေ ပြည်သူတွေဟာ ထမင်းငတ်ကုန်မယ်ပေါ့ ဘာကြောင့်လဲဆိုတော့ မိုးကုတ်မြို့ရဲအဓိကစီးပွားရေဖြစ်တဲ့ ကျောက်(ပတ္တမြား) တူးဖော်ရာမှာ မြေဆီလို့ခေါ်တဲ့(ဗြုံး) တွေကို ရေနဲ့ဆေးကြောရတာပါ ဒီလိုဆေးလိုက်လို့ စွန့်ပြစ်ပစ္စည်းဖြစ်တဲ့ ကနယ်ရေ၊ ရွှံဗွက်ရေတွေဟာ ဒီချောင်းလေးထဲကတစ်ဆင့် စီးဆင်းခဲ့လို့ပါပဲ ဒါကြောင့်ဒီချောင်းက ရေတွေဟာ နီနေရတာပါ မိုးကုတ်မြို့လေးကို အကျိုးပြုတဲ့ချောင်းလေးဆိုရင်လဲမမှားပါဘူး ခုတော့ဒီချောင်းကပဲ မြို့လေးကို ဒုက္ခပေးသွားခဲ့ပါတယ်
ဒီအောက်မှာ ကျနော လက်လှမ်းမှီသလောက် ပုံလေးတွေကို တင်ပြပေးလိုက်ပါတယ်....
ရေနီချောင်းကရေတွေဒီလို ကျိုးပေါက်ခဲ့ရပါတယ်
မြေပြိုပြီး ပိသွားခံခဲ့ရတဲ့ အိမ်လေးတွေပါ
အင်း ထဲကိုရေတွေဝင် ရေလျှံခဲ့ရတဲ့အဖြစ်အပျက်ပါ
ကောင်မလေးရေ မင်းနဲ့ပက်သက်ပြီး ထင်ကျန်ခဲ့တဲ့ သံယောဇဉ်လေးတစ်ခု ငါ့ရင်ထဲမှာ အခိုင်အမာ တည်ခဲ့ပြီဆိုတာ ငါ့ကိုငါက လွဲပြီး ဘယ်သူကများ ငါ့ထက်ပိုသိနိုင်မှာလဲ ၊ တစ်ချိန်က သက္ကသိုလ်ဆိုတဲ့ ကျောင်းတော်ထဲမှာ ဆုံဆည်းပြီး အစပြုခဲ့တဲ့ ရင်ခုန်ခြင်းဆိုတဲ့ ဝေဒနာလေ တစ်ခုဟာ ငါ့အတွက်တော့ ရူးသွတ်စွာစွဲလမ်းမူ့ လေးတစ်ခုအဖြစ် ဒီနေ့တိုင်အောင် တည်ရှိနေခဲ့ပြီ၊ဘာပဲဖြစ်ဖြစ် ငါ့ဖက်ကတော့ အကျေနပ်ကြီး ကျေနပ်နေအုံးမှာပါ ဒီအစွဲအလမ်းလေး ဘ၀တစ်ခုလုံးကို လွမ်းခြုံထားခြင်း ခံနေသရွေ့ ရေမြေတွေ ခြားနေပေမယ့် မင်းကို တမ်းတနေဆဲ သတိရနေမြဲ ဆိုတာကို ယုံကြည်အောင် ဖွဲ့နွဲ့မပြောတတ်ပေမယ့် သစ္စာစကားလေး တစ်ခွန်းတော့ ရဲဝံစွာ ဆိုပြရဲပါတယ်။ အခုအချိန်မှာ အချစ်ဆိုတဲ့ အရာဟာ ငါ့အတွက် အရာရာကို စွမ်းဆောင်ဖို့ အင်အားလေးတစ်ခု အဆင်သင့်ဖြစ်ခဲ့ပြီလား မသိဘူး ငါ့ရဲနှလုံးသားလေး ရှင်သန်လန်ဆန်း နေခဲ့ပြီမင်းအတွက်နဲ့ပါ။ ဒီနေ့ မိုးစက်ပွင့်တွေ အိမ်အပြင်မှာ သဲသဲမဲမဲ ရွာနိုင်လွန်းခဲ့တယ် တစ်နေ့လုံး မင်းအကြောင်းတွေကိုိ တွေးရင်း အိမ်တွင်းအောင်း နေခဲ့တယ် ။ ငြိမ့်ညောင်းစွာ စီးဆင်းနေတဲ့ အချစ်ဆိုတဲ့ စမ်းချောင်းလေးထဲမှာ အချစ်၊အလွမ်း၊အဆွေး ကြည်နူးခြင်း၊ ကြေကွဲခြင်း ဆိုတဲ့ခံစားချက်တွေကို မလွန်ဆန်ဝံပဲ အလိုက်သင့် မျောပါရင်းနဲ့ နှောင်တွယ်စရာ သံယောဇဉ် ကြိုးတွေ တစတစနဲ့ ငါ့နှလုံးသားကို ရစ်နှောင်ခဲ့ပြီး သမုဒယ နွံထဲမှာ ခံစားမူ့တွေ စွန်းထင်ခဲ့၇ပါပြီ ဝေးလေလွမ်းလေ ၊ ကြာလေချစ်လေနဲ့ ကြွမ်းလုလု ငါ့ရဲ့ရင်ကို မိုးစက်ပွင့်တွေလဲ ကူညီဖြေရှင်းလို့ မစွမ်းနိုင်ခဲ့ပါဘူး ၊ ငါ့ရဲ့အသဲလေး မကြွမ်းခင်မှာ မင်းဟာ အနမ်းပန်းလေး ခင်းပေးမယ်ဆိုရင် အချိန်မှီသေးတာမို့ မိုးစက်လေးတွေ၇ယ် စာနာခြင်းများစွာနဲ့ ငါ့ချစ်တဲ့ မင်းရှိရာကို အရောက်သွားပြီး ငါ့ရဲ့ခံစားချက်တွေကို မင်းလေးသိအောင် သက်သေပြုလို့ အောင်သွယ်ပေးခဲ့ပါကွာနော်..။ တစ်ခါတစ်လေ တစ်ဖက်သက် ချစ်ခြင်းကြောင့် ငါ့ရဲ့ မျှော်လင့်ခြင်း ရောင်ခြည်လေးေ၀၀ါးသွားခဲ့ရင် မှောင်မိုက်သွားခဲ့ရင် လမ်းစပျောက်သွားခဲ့ရင် ငါတကယ် ရင်ကျိုးရချည်ရဲ့ အစားထိုး လဲလှယ်စရာ ဘာတစ်ခုမှ မရှိသေးဘူး အဆင်သင့်လဲ ပြင်ဆင်မထားခဲ့ဘူး အချိန်မှီ ပြင်ဆင်ရအောင်လဲ မင်းကလွဲပြီး ဘယ်သူကိုမှ မမြင်ခဲ့ဘူး အမြင်ကျဉ်းတယ် ဆိုချင်ဆိုပါစေ အဲ့ဒီဖက်မှာ အမြင်မကျယ်ချင်တော့ဘူး မင်းတစ်ယောက်တည်း စိတ်နဲ့ပဲ ရောင့်ရဲ တင်းတိမ် လိုက်တော့မယ်။ အချောအလှတွေ တစ်ပုံကြီးရှိပေမယ့် အဲ့ဒါတွေကို စိတ်ဝင်စားဖို့ ရင်ခုန်ခြင်းတွေ မဖြစ်ခဲ့ဘူး ဒီဟာကို ငါမှားတယ်လို့ ပြောချင်ပြောကြပါစေ အဲဒီ အမှားကြီးကိုပဲ ဆက်လက် တွယ်တာပါ ရစေကွာ ကိုယ်ကိုယ်တိုင် ရွေးချယ်တဲ့ လမ်းလေကိုဘဲ အစွဲကြီးစွာ လျှောက်ကြည့်ချင်တယ် ပိုင်ဆိုင်နိုင်အောင် ကြိုးစားချင်တယ် ဒီလမ်းဟာ ကြမ်းတမ်းရင် ကြမ်းတမ်းပါစေ အံကြိတ်ပြီး လျှောက်တော့မယ်။ မိန်းကလေးရယ်....သိပ်ချစ်လွန်းရင် သိပ်ရူးကြတယ် ဆိုတာကို ကိုယ်တိုင်ကြုံတွေ့ လာတဲ့အခါ ငါမငြင်းတော့ပါဘူး၊ဘာလို့လဲဆိုတော့ ဒီစကားလေးက ငါ့အတွက် သိပ်ကိုမှန်နေတယ်...ငါ့ဘ၀မှာ အရေးကြီးဆုံးတွေထဲက တစ်ခုကိုရအောင် ကြိုးစားနေတယ် ဆိုတာကို ဘယ်သူကမှ နားလည်မပေးလဲ ငါ့ရည်ရွယ်ချက်နဲ့ ငါကျေနပ် ကြည်နူးနေမယ် ၊ ဒါပေမယ့် ငါ့ရဲ့ရည်မှန်းချက်လေး အရာမထင်မှာကိုလဲ စိုးကြောက်မိနေတာ အမှန်ပဲ စိတ်ပိုင်းဆိုင်ရာ မရင့်ကျတ်သေးတဲ့ ငါဟာ သာမန်ပုထုဇဉ်မို့လို့ ခံစားခြင်း ဝေဒနာတွေကို လွန်ဆန်နိုင်တဲ့ အင်အားတွေ မရှိသေးပါဘူး၊ ဒါကြောင့် ချည့်နဲ့စွာနဲ့ ရှင်သန်နေတဲ့ ငါ့နှလုံးသားလေး ဖေးမခြင်းတွေသာ အားသာခဲ့မယ်ဆိုရင်... အတုိင်ထက်အလွန် ပျော်ရွှင်နေမိမှာပါ.....ခုတော့ မင်းနဲ့ပက်သက်ပြီး တောင့်တမူ့နဲ့ ကြောင့်ကြမူ့တွေသာ ငါအတွေး တစ်ခုလုံးကို နေရာယူထား နိုင်လွန်းတယ် မင့်ကြောင့်နဲ့ ပြတ်သားစွာ ပြောဆိုရဲတဲ့ ယောက်ျားတိုရဲ့ စိတ်တွေ တွေဝေကုန်ပြီ....မင့်အပေါ်မှာ ဘာလိုများ သံယောဇဉ် မထားရမှာ ကြောက်နေတာလဲ မသိတော့ဘူး ဒီမေးခွန်းရဲ့ အဖြေကို ရဖို့ ငါတော်တော် စဉ်းစားယူရအုံးမယ်။ ကောင်မလေးရေ........ ငါဟာ ငါ့စိတ်ရဲ့ စေစားရာကို လိုက်ပါရင်း သတိတရားနဲ့ ထိန်းချုပ်ခဲ့ပေမယ့် အဲဒီ အသိတရားလေးကိုက ထိန်းချုပ်ခြင်းကို လက်မခံပဲ ဆန့်ကျင်နေခဲ့တဲ့ သူ့အလိုလို ဖြစ်ပျက်မူ့လေးဟာ အံ့သြံစရာ ကောင်းလောက်အောင် ငါအတွက် အ၇မ်းကို ထူးဆန်းလွန်းနေခဲ့ပြီ ၊ အစွဲအလမ်း ကြီးလွန်းရင် ဒုက္ဓရောက်တတ်တယ် ဆိုတဲ့ စကားလေးကို သိနေပေမယ့် သိသိနဲ့ကို လက်မခံ ချင်တော့ဘူး ၊ လွမ်းနေ၇လွန်းလို့ နာကျင်ပါတယ် ဆိုတဲ့ စိတ်ပျက်စကားလေးကို မဆိုချင်တော့ဘူး ရင်ထဲမှာ ယုယစွာနဲ့ပဲ လူတွေမသိအောင် သိမ်းဆည်း ထားလိုက်မယ် တကိုယ်ရည် ကြေကွဲခြင်း လေးပေါ့...။ ခံစားမူ့ ဆိုတာလဲ ခံစားချင်တိုင်း ခံစားလို့ရတာမှ မဟုတ်တာ တိုက်ဆိုင်မူ့တွေ ရှိမှ ကိုယ်တိုင် ခံစားရတာ ဆိုတော့ မင်းနဲ့ တိုက်ဆိုင်ခဲ့တဲ့ ငါ့ရဲ့ ခံစားမူ့တွေဟာ လေးနက်မူ့တွေ များစွာနဲ့ ပြည့်ဝနေခဲ့တာမို့ နက်ရှိုင်းစွာ ခံစားပါရစေတော့... ငါချစ်ရတဲ့ကောင်မလေးရေ......
ကျွန်တော်တို့ရဲ့ချစ်စရာကောင်းတဲ့ တောင်ပေါ်မြို့ လေးအကြောင်းကို ပြောပြရင်း မိတ်ဆက်ပေးချင်တယ်။ ဘာသာတရား ဂိုဏ်းရှိုင်းပြီး အကြင်နာမေတ္တာတရားတွေ ဖိတ်လျှံနေတဲ့ မြို့ကလေးပါ။ ကမ္ဘာပေါ်မှာ ကျောက်မျက်ရတနာနဲ့ ပက်သက်ပြီး မြန်မာပြည်ကို ကိုယ်စားပြုတဲ့ မြို့ကလေးပေါဗျာ....၊ နောက်ပြီး တောင်ပေါ်ဓလေ့စရိုက်နဲ့တောင်ပေါ်လူနေမူ့ပုံစံတွေကို ခုချိန်ထိတိုင်အောင် ပီပြင်ထင်ရှားစွာ ဖော်ပြနိုင်တဲ့ မြို့လေးပါ ၊ အဲ့ဒီမြို့လေးရဲ့ မည်တွင်သညှာ ခေါ်စရာကတော့ မိုးကုတ်မြို့တဲ့ တစ်ချို့သော သူတွေကလဲ ဂုဏ်ပြုတဲ့အနေနဲ့ ချစ်စနိုးစွာ ပတ္တမြားမြေလို့လဲ ခေါ်ကြပါသေးတယ်။ ကျွှန်တော့်တို့မြို့ရဲ့ ဆောင်းတွင်း ကာလာမှာဆိုရင် အဖြူရောင်မြူနှင်းတွေကြာမှာ ချယ်ရီတွေ လှိုင်လှိုင်လေး ပွင့်နေတဲ့ ရှူ့ခင်းကတော့ တကယ့်ကိုရှူ့ မငြီးတဲ့ ပန်ချီကား တစ်ချက်လိုပါပဲ ညနေဆည်းဆာချိန်ေ၇ာက်လို ငှက်ကလေးတွေ အိပ်တန်းတက် ချိန်ဆို၇င်လဲ တစ်လောကလုံး တိတ်ဆိတ်ငြိမ်သက်ပြီး ဆီးနှင်းတွေရဲ့ တစ်ဖြောက်ဖြောက်ကြနေတဲ့ အသံက သံစဉ်တစ်ပုဒ်အဖြစ် ဆောင်တွင်းညဉ့်ရဲ့ သဘာဝကိုပိုပီပြင်စေပါတယ်....ရောင်နီကိုတောင်းတ နေတဲ့ ကျေးငှက်ကလေး တွေရဲ့ တေးဆိုသံနဲ့ အတူ နံနက်ခင်း မိုးသောက်ချိန်မှာဆိုလဲ ပြတင်းပေါက်ကို ဖွင့်လိုက်တာနဲ့ အဖြူရောင်မြူနှင်း တွေဟာ ၊တစ်ကိုယ်လုံးကို ထွေးပိုက်ထားကာ အေးစက်စက် အနမ်းတွေနဲ့ ကျီစယ်နေတတ်ပြီး ဆောင်းကာလရဲ့စရိုက်ကို ဖော်ကျူးနေတတ်ပါသေးတယ် ၊ နေမင်းရဲရောင်နီတွေ ဖြာဆင်းလာပြီး လောကတစ်ခွင်ကို အလင်းတွေဖြန့်ကျန့်လိုက်ပြီဆိုရင်ပဲ မြူနှင်းတွေဟာ ခွဲခွာခြင်း အထိမ်းအမှတ် အဖြစ်နဲ့ ချယ်ရီပန်းတွေပေါ်မှာနှုတ်ဆက် မျက်ရည်လေးတွေထားခဲပြီး လွင့်ပါးပျောက်ကွယ်သွားပါတယ် ဒီလို အချိန်မျိုးမှာ အလွမ်းဓာတ်ခံရှိသူတွေ အတွက်တော့ ဆောင်းရာသီရဲ့ အအေးဓာတ်နဲ့ အတူပိုတိုးလို့ လာတာပေါ့...ဗျာ၊ ဆောင်ရာသီရဲ့ တစ်နှစ်တာကာလ တာဝန် တွေကို ကျေပွန် စွာထမ်းဆောင်ပြီးလို့ ရာသီလွဲပြောင်းချိန်မှာ ဆိုလဲနွေရာသီးရဲ့ ရှေ့ပြေး နိမိတ်ဖြစ်တဲ့ ခြေက်သွေ့သွေ့ လေညှင်းတွေက ဆောင်းရာသီကိုနှုတ်ဆက် နေကြသလိုပါပဲ။ ဒီလိုအချိန်မှာဆိုပေါ့ ရင်ထဲမှာ ဘာကိုလွမ်းလို့ ဘာကိုဆွေးနေမှန်းကို မယ်မယ်ရရမသိပဲ ဟာတာတာနဲ့ ပက်ဝန်းကျင် တစ်ခုလုံးကို ခြေက်သွေ့မူ့တွေပဲ ကြီးစိုးနေတယ် ၊ခုလိုငြီးငွေ့စရာအတိကာလဟာ ရဟန်းသာလို ၊ သူတော်စဉ် သူတော်မြတ်တွေတောင် ဈာန်လျှော့နိုင်တယ် ဆိုတော့ ကျွှန်တော်တို့လို ပုထုဇဉ်တွေ အတွက်တော့ ဆိုဖွယ်ရာ မရှိတော့ပါဘူး...တစ်ဖြည်းဖြည်းနဲ့အရှိန်ရလာတဲ့ အပူဒဏ်တွေကြားမှာ လူသားတွေရဲ့ တာဝန်ဝတ္တရားတွေကို မမောနှိင်၊မပန်းနှိင် ထမ်းဆောင်ရင် လောကဓံနဲ့သဟဇာတဖြစ်အောင် ကြိုးစားရတာပေါ့။ နွေကုန်လို့ မိုးရောက်ပြီဆိုရင်တော့ နည်းနည်းဒုက္ခရောက်တယ်ဗျ မိုးကလဲအညိုးနဲ့ သဲသဲမည်းမည်းကို ရွာလိုက်တာ နေကိုတောင်မြင်ရဖို့ ကိုအတော်ခက်တယ် တောင်ပေါ်ဒေသဆိုတော့ မြေမျက်နှာသွင်ပြင် အနေအထားအရ မြေနိမ့်ပိုင်းတွေမှာဆိုရင် ရေလွမ်းမိုးမူ့ ဒဏ်ကိုခံရတယ် တစ်ချို့သော အဆင်ပြေတဲ့မိသားစုဆိုရင် လှေဝယ်စီးမှာလား၊ ကားဝယ်စီးမှာလားဆိုပြီး စကားများရတာ ခဏခဏပါပဲ။ ဟဲဟဲ မိုးရွာရင် တစ်ခုကောင်းတာကတော့ ရင်ထဲကနေ လျှံတတ်လာတဲ့ အသည်း ကွဲခြင်း ခံစားမူ့တွေ အတွက် ကြေကွဲမျက်ရည်တွေကို လူတွေမသိအောင် တိတ်တခိုးနဲ့ မိုးရာသီရဲ့ မိုးရေ ထဲမှာ ငိုကြွေးလို့ ရတာပေါ့ ၊ ကျွှန်တော်ကတော့ ဆောင်းရာသီမှာ အလွမ်းတွေ နဲ့ ဝေနေသလို မိုးရာသီမှာလဲ အဆွေးတွေနဲ့ ကြွေနေဆဲပါပဲ ၊ သဲသဲ မည်းမည်းရွာနေတဲ့မိုးရေတွေကို ကောက်ကြောင်းဆွဲးပြီး နှလုံးအိမ်ထဲက မြတ်နိုးသူ တစ်ယောက်ရဲ့ မျက်နှာကို ပုံဖော်ရတာလဲ အကြိမ်ကြိမ် ၊ အဲ့ဒီလိုအချိန်မျိုးမှာဆိုရင် မိုးရေတွေကို ပျောက်ကွယ်သွားမှာကို နှမြောနေမိတယ် ခုလို မိုးကာလမှာလဲ နေတတ်သူတွေ အတွက်တော့ ကျေနပ်စရာ ကောင်းနေတတ် ပါသေးတယ် ဒီလိုနဲ့ ၀သန်ရာသီကုန်လို့ ဟေမာန် ၊ ဟေမာန်ရာသီကုန်လို့ ဂ်ိမ္မာန် ၊ ဂိမ္မာန်ရာသီကုန်လို့ ၀သန် ၊ စတဲ့ စတဲ့ ရာသီသံသရာ ထဲမှာ နှလုံးသွေးတွေ လည်ပတ် နေသမျှ ရှင်သန်ချိန် နာရီတွေကို ခံစားမူ့မျိုးစုံနဲ့ ရင်ဆိုင်ဖြတ်သန်းရအုံးမှာ ဧကန်ပါပဲ ၊ မိတ်ဆွေတို့ကိုလဲ ခင်မင်စရာကောင်းတဲ့ ကျွန်တော်တို့ မြို့ကလေးကို အလည်လာဖို့ နွေးထွေးစွာ ဖိတ်ခေါ်ပါတယ်..ပြောမယုံကြုံဘူးမှသိ ဆိုသလိုပဲ ခံစားမှု့ အသစ်တွေကိုရရှိ နိုင်ဖို့ ပတ္တမြားမြေကို အရောက်သာလှမ်းလာ ပါလို့ ..........တိုက်တွန်းလိုက်ပါရစေ.......။
.jpg)
အ.ထ.က(၁) မှာ စေတနာထက်သန်စွာ ကူညီပေးခဲ့ကြသော ဓမ္မလုပ်သားများ
အ.လ.က (၁) ရှမ်းတောကျောင်းက ပုံရိပ် 
အ.လ.က (၁) ရှမ်းတောကျောင်းက ပုံရိပ် 
.jpg){kind=link}