မိုးရာသီခံစားမူ့

စွတ်စွတ်ဖြူနေတဲ့ မိုးဖွဲပွင့်တွေကြားမှာ လွှင့်ခနဲ့ တွေ့လိုက်ရတဲ့ နှစ်ထောင့်ရှစ်ခုရဲ့ ဇွန်လှိုင်လဟာ အေးချမ်းမူ့တွေနဲ့ ရွှန်းစိုသက်ဝင်နေပါပြီ။ လူသားတိုင်းမှာ စိတ်ကူးယဉ်အိမ်မက် ကိုယ်စီရှိကြမှာပါ ဒီအိမ်မက်တွေကို အကောင်အထည်ဖော်ဖို့ ကိုယ်ရပ်တည် ကျင်လည်နေတဲ့ အသိုင်းအ၀ိုင်းမှာ သင်ယူလေ့လာ စူးစမ်းနေရတာလဲ ဧကန်ပါပဲ ဒီလိုပဲ လောကကြီးရဲ့ အလှတရားကို ရှာဖွေစူးစမ်း နေကြတဲ့ လူတွေလဲ ရှိပါတယ် ကျွန်တော်ကတော့ သက္ကရာဇ်တွေထဲက ရာသီတိုင်းရဲ့ အလှတရားတွေကို မှီပြီး ခံစားချက်တွေ အမြဲရှိနေတတ်တယ် ကြည်နူးခြင်း၊ ကြေကွဲခြင်း အစုံပါပဲ ခုတော့ ဇွန်လှိုင်လမှာ ဖြစ်လာတဲ့ ခံစားချက်တွေထဲက တစ်ချို့ကို စာလုံးလေးတွေအဖြစ် ပြောင်းလဲတင်ပြ ရင်ဖွင့်လိုက်ပါတယ်ဗျာ...............
ခုလိုမိုးရာသီမှာ အလွမ်းဓာတ်ခံ ရှိပြီးသာ သူတွေအတွက် ပိုလွမ်းစရာ ကောင်းနေတတ်တယ် မိုးစက်ပွင့်တွေကို တိုးဝှေ့ခံစားရင်း ဆောင်းဦးရဲ့ ပြတင်းပေါက်ကို ဖွင့်ဖို့ကြိုးစားနေတဲ့ ဇွန်လှိုင်မှာ ချစ်ခြင်းမေတ္တာတွေကို ပီပြင်စေတဲ့ ချစ်သူများရဲ့ ရန်ခုန်သံတွေဟာလဲ နှူးညံ့နေတတ်ပါတယ် ဒါကြောင့် အေးစက်တဲ့ မိုးစက်ပွင့်နဲ့ချစ်ခြင်းရနံ့လေးတွေ ပေါင်းစပ်ပါဝင်နေတဲ့ ဒီလလေးမှာ ချစ်တတ်သူတို့ အတွက် ကြည်နူးစရာ ရင်ခုန်ခြင်းများကို ဖန်းတီးပေးမယ့် နေ့လေးတစ်နေ့ ပါဝင်လို့နေပြန်ပါတယ်။ အပြောကျယ်လှတဲ့ ဒီကမ္ဘာကြီးမှာ လူပြောသူပြောများတဲ့ ချစ်ခြင်းတရားဟာ အဆုံးမရှိသလို နက်နဲတဲ့ ချစ်ခြင်းမေတ္တာကို သိမ်မွေ့တဲ့ နှလုံးသားဖြင့်သာ ခံစားသိမြင်နိုင်မှာပါ ထို့အတူ နူးညံသောလည် ခိုင်မာလှတဲ့ ချစ်ခြင်းမေတ္တာတွေကို ထာဝရရှင်သန်နိုင်ဖို့ သစ္စာရှိစွာနဲ့ စူးရှတဲ့ချစ်ခြင်းတို့ ပေါင်းစပ်ဖို့ လိုအပ်တယ်လို့ ယုံကြည်မိပါတယ်။ သူငယ်ချင်းတို့ကျွန်တော်တို့ ရင်မှာ ချစ်ခြင်းတရားတွေရှိပြီးဖြစ်လို့ ဒီချစ်ခြင်းတွေကို ခိုင်မာတည်မြဲဖို့ သစ္စာတရားကို အခြေခံပြီး ချစ်ခြင်းမေတ္တာအားကြီးအောင် ကြိုးစားဖို့ပဲလိုပါတယ်.........
ဒါကြောင့် ခုလိုအေးချမ်းတဲ့ မိုးရာသီနဲ့အတူ မေတ္တာရနံတွေ သင်ပျံနေတဲ့ ဇွန်လှိုင်လမှာ ကျွန်တော့်ရဲ့ ဘလော့ကို လာရောက်အားပေးတဲ့ သူငယ်ချင်းတို့လဲ ချစ်ခြင်းရနံ၊ မေတ္တာရနံတွေနဲ့ ထာဝရ သင်းပျံလန်းဆန်း နှိင်ပါစေလို့ မိုးစက်ပွင့်တွေကို သက်သေပြုလို့ ဆုမွန်ခြွေလိုက်ပါတယ်ဗျာ.............

အနမ်းဒိုင်ယာရီ

ဖူးငုံစိုအိ သန္တာရောင်အသွေးနှင့်

နှုတ်ခမ်း တစ်စုံထက်မှာ

တစ်ရှိုက်မက်မက် အနမ်းမိုးများ

ရွာသွန်းဖြိုးလို့ အချစ်တစ်ခုကို

စတင်ဖန်တီးခဲ့တယ်၊

မထူးဆန်းစွာ ထူးဆန်းနေသော

ခံစားမူ့အာရုံ ဝေဒနာတွေများနှင့်

ချစ်ခြင်းတရားရဲ့ မော်ကွန်ယက်မှာ

နှလုံးသွေးတို့ ဆူဝေစွာနှစ်မြောခဲ့ရ

အနမ်းတစ်ခုထဲက ချစ်ခြင်းတရားတွေဟာ

စကားလုံးတွေထက် ခိုင်မြဲနေတာ

ခံစားသိလိုက်ရတယ်၊

ရီဝေရစ်မူးစွာ အနမ်းရဲ့အဆုံး

အနမ်းများရဲ့အဆုံးမှာ။

အဲ့ဒီနေ့က............

လှပသစ်လွင် ကြည်ပြာရောင်အသွေးနှင့်

မိုးကောင်းကင် တစ်ခုအောက်မှာ

တိုးတိတ်တိတ် ချစ်သင်္ကေတနဲ့

နွေးထွေးစွာ အကြင်နာတွေဖလှဲခဲ့တာ

လေပြေတွေသာ စကားပြောတတ်မယ်ဆိုရင်

သတင်းတွေပေါက်ကြားရောပေါ့ ချစ်သူ။

သွေးပျက်သောနေ့

၁၂.၆.၂၀၀၈ ဒီနေ့မိုးတွေ အပြင်မှာအရမ်းကိုအုံ့ ဆိုင်းနေပါတယ် ဒါနဲ့ ဟိုယောင်ယောင် ဒီယောင်ယောင် နေပြီးအိမ်တွင်းအောင်း နေခဲ့ရတယ် မြ၀တီကလွှင့်တဲ့ ဇတ်လမ်းပြီးလို့ ယူရိုနှစ်ထောင်ရှစ် ဘော့လုံးပွဲ ကြည့်နေတုန်း ညတစ်နာရီမှာ မိုးက သည်းသည်းမည်းမည်းကို ရွာလာပါသည် တစ်ညလုံးရွာလိုက်တဲ့ မိုးက မနက် ဆယ်နှာရီလောက်မှ ဆဲသွားခဲ့ပါတယ် အကျိုးဆက်အနေနဲ့ မြို့ထဲက နေရာတော်တော်များများမှာ တောင်ပြို(မြေပြို)ြုပီး ရေကြီးခဲ့ပါတယ် ဒီထက်ဆိုးဝါးသာက လူဆယ်နှစ်ယောက်လောက် သေဆုံးခဲ့ရပြီး ခြောက်ဆယ်ကျော်လောက်က အိုးအိမ်မဲ့ ဖြစ်သွားခဲ့ရတယ် ဒီထဲမှာ မောင်နှမလေးယောက်ကအိပ်နေတုန်း ရေနဲ့မျှောပါသေဆုံးခဲ့ရပါတယ် တောင်ပြိုမြေပိပြီး သေဆုံးခဲ့သူများကတော့ ခြောက်ယောက် ကိုယ်ဝန်သည် မိခင်အပါ ခုနှစ်ယောက်ပါ ဒီတစ်ခါရေကြီးမူဟာ ဒုတိယအကြိမ်ဖြစ်ပြီး မိုးကုတ်မြို့ရဲ့သမိုင်းမှာ အကြီးကျယ်ဆုံးဖြစ်ရပ်တစ်ခုပါ .............

မိုးကုတ်မြို့ကို တောင်နဲ့မြှောက်ဖြတ်ပြီး စီးဆင်းနေတဲ့ ရေနီချောင်းဆိုတာ ရှိပါသည် မိုးကုတ်မြို့ရဲ့ ရာဇ၀င်မှာ အရေးပါတဲ့ ချောင်းလေးတစ်ခုပေါ့ဗျာ ရှေးလူကြီးတွေ ပြောထားတဲ့ အယူအဆ တစ်ခုရှိပါတယ် ဒီရေနီချောင်းက ရေတွေတာ ကြည်လင်သွားမယ် ဆိုရင် မိုးကုတ်မြို့နေ ပြည်သူတွေဟာ ထမင်းငတ်ကုန်မယ်ပေါ့ ဘာကြောင့်လဲဆိုတော့ မိုးကုတ်မြို့ရဲအဓိကစီးပွားရေဖြစ်တဲ့ ကျောက်(ပတ္တမြား) တူးဖော်ရာမှာ မြေဆီလို့ခေါ်တဲ့(ဗြုံး) တွေကို ရေနဲ့ဆေးကြောရတာပါ ဒီလိုဆေးလိုက်လို့ စွန့်ပြစ်ပစ္စည်းဖြစ်တဲ့ ကနယ်ရေ၊ ရွှံဗွက်ရေတွေဟာ ဒီချောင်းလေးထဲကတစ်ဆင့် စီးဆင်းခဲ့လို့ပါပဲ ဒါကြောင့်ဒီချောင်းက ရေတွေဟာ နီနေရတာပါ မိုးကုတ်မြို့လေးကို အကျိုးပြုတဲ့ချောင်းလေးဆိုရင်လဲမမှားပါဘူး ခုတော့ဒီချောင်းကပဲ မြို့လေးကို ဒုက္ခပေးသွားခဲ့ပါတယ်

ဒီအောက်မှာ ကျနော လက်လှမ်းမှီသလောက် ပုံလေးတွေကို တင်ပြပေးလိုက်ပါတယ်....

ရေနီချောင်းကရေတွေဒီလို ကျိုးပေါက်ခဲ့ရပါတယ်

မြေပြိုပြီး ပိသွားခံခဲ့ရတဲ့ အိမ်လေးတွေပါ

အပေါ်ကနေ မြင်ခဲ့ရတဲ့ မြေပြိုရာနေရမိုးကုတ်မြို့ရဲ့ စီးပွားရေအချက်အခြာဖြစ်တဲ့ကျောက်ဝိုင်းထဲကပျက်စီးမူ့

အင်း ထဲကိုရေတွေဝင် ရေလျှံခဲ့ရတဲ့အဖြစ်အပျက်ပါ

သာမညနဲ့ပဓာန

ကျွန်တော်တိုိ့ လူဘ၀ကို ကျရောက်လာပြီဆိုပါက မလွဲမသွေ ထမ်းဆောင်ရမည့် လူမူ့ကိစ္စများ များမြောင်စွာရှိပါသည် ထိုထဲမှ ဧကန်မုချ ဆောင်ရွက်ရမည့် အရေးအကြီးဆုံး တာဝန်တစ်ရပ်ကို ပြောပါဟု ဆိုလာလျှင် သူငယ်ချင်းများ မည်သို့ ဖြေကြမည်နည်း။ စားဝတ်နေရေး ဖြေရှုင်းမူ့ဟု ပြောမည်လား အိမ်ထောင်ပြု သားမွေးပြီးမိသားစုနှင့် အတူတကွ ပေါင်းစည်း၍ လူ့အဆောက်အအုံ မြင့်မားတိုးတတ်ရေးကို ရှေးရှုမူ့ဟုပြောမည်လား မှန်သင့်သလောက်မှန်ပါသည် လူအမျိုးမျိုး စိတ်ကူးအဖုံဖုံမို့ အဖြေတွေလည် ထွေလီကာလီ ထွက်လာမည်မှာ သေချာပါသည်။ ဒီလိုအဖြေမျိုးပေးလာမယ်ဆိုရင် တိရစ္ဆာန်တွေမှာပင် ၀တ်မူ့မှတစ်ပါး စားမူ့၊ နေမူ့များကို သဘာဝအတိုင်း ဖန်းတီးနေနိုင်ကြပါသည် မေထုန်မှီဝဲ၍လဲ အရေအတွက် တိုးတတ်ရေးကို ပြုတတ်ကြပါတယ် တူရာအချင်းချင်းစုဝေး၍လဲ သဘာဝအလျောက် စည်းလုံးညီညွတ်ကြပါသည်။ လူဘ၀တွင်စားဝတ်နေမူ့၊ မေထုန်မှီဝဲမူ့၊ ပတ်ဝန်းကျင်နှင့် သဟဇာတဖြစ်မူ့တို့သည် သာမည အကျဆုံး သဘာဝမျှသာ ဖြစ်ပါသည် ဒါကို မဓာန အကျဆုံးဟု သတ်မှတ်မည်ဆိုပါက အနိမ့်ဆုံး၊ အညံဆုံးအတန်းစားတို့ ကျရောက်၍ လူများသည် တိရစ္ဆာန်နှင့် ဘာမျှခြားနားတော့မည် မဟုတ်ပါ လူသည် တိရစ္ဆာန်ထက် အသိညဏ် ပိုရှိသည်ဟု သတ်မှတ်ချက် ရှိတာကြောင့် အနေအထိုင်၊ အပြုအမူ၊ အပြောအဆို၊ အရာအားလုံးသည် တိရစ္ဆာန်ထက်ပို၍ အဆင့်မြင့်ရမည် ထိန်းသိမ်းနိုင်ရမည် ဖြစ်ပါသည်။ လူ့လောကတွင် လူတို့၏စိတ်ကိုလိုက်၍ ဘ၀ကို သုံမျိုးခွဲခြားလိုရပါသည် ပစ္စည်းဥစ္စာကြွယ်ဝမူ့၊ ရာထူးဂုဏ်သိန်မြင့်မားမူ့ကိုအရေးထားသူတို့မှာ ရုပ်ပိုင်းဆိုင်ရာ ပြည့်စုံမူ့ကို အလေးထားကြပါသည် ဒီလူတွေဘ၀မှာ ရုပ်ပိုင်းဆိုင်ရာပြည့်စုံမူ့သာ မဓာန ကျနေတတ်ပါတယ် လောဘလွန်ကဲလာတဲ့ အခါမှာ တရားသည်ဖြစ်စေ မတရားသည်ဖြစ်စေ ကိုယ့်အကျိုးကိုသာ ရှေ့ရှူ့ လုပ်ဆောင်တတ်ကြပြီး လူမူ့ကျင့်ဝတ်တွေကို ဖောက်ဖျတ်တတ်ကြပါတယ် အချို့သောလူများက အသိပညာ၊ အတတ်ပညာ ဘွဲ့ထူးဂုဏ်ထူး တွေကို အထင်တကြီး ကိုးစားလျက် ပညာပိုင်းဆိုင်ရာ ပြည်စုံမူ့ကို တန်ဖုိုးထား တတ်ကြပါတယ် ပညာပိုင်းဆိုင်ရာနဲ့ ပက်သက်ပြီး ကျွန်တော့် အမြင်ကို ပြောရမယ်ဆိုရင် ပညာဆိုတာ ဘယ်လောက်ပဲ လေ့လာလေ့လာ ပြည့်စုံတယ်ဆိုတာမရှိပါဘူး ကိုယ်ဆည်းပူး လေ့လာနိုင်တဲ့ အပိုင်းမှာတာ ပြည့်စုံသလိုရှိတာပါ ဒါကို ပြည့်စုံတယ်ထင်ပြီး မာန်မာနထောင်လွားနေရင် အဲ့ဒီ အတတ်ပညာဟာလဲ အချည်းနှီးပါပဲ တစ်ခြားသော ကိုယ်မတတ်တဲ့ ပညာတွေများစွာ ကျန်နေပါသေးတယ် ဖြစ်သင့်တာကတော့ ကိုယ်လေ့လာဆည်းပူးထားပြီး ကိုယ်တတ်တဲ့ပညာနဲ့ ပက်ဝန်ကျင်ကို ဘယ်လောက် အကျိုးပြုနိုင်ပြီလဲ ပြန်လည်လက်ဆင့်ကမ်း ပေးနိုင်ပြီလား ဆိုတာ အဓိကကျပါတယ် .......................
ကျွန်တော်ယူဆမိတာကတော့ ပစ္စည်းဥစ္စာ၊ ရာထူးဂုဏ်သိမ်၊ အသိပညာ၊ အတတ်ပညာ ဘွဲ့ထူးဂုဏ်ထူး စတဲ့ ရုပ်ပိုင်းဆိုင်ရာ ပြည်စုံမူ့တွေဟာ ဘူဘ၀မှာ အထိုက်အလျောက် လိုအပ်ပေမင့် ဘ၀တန်ဖိုးကို တကယ်တန်း သတ်မှတ်မပေးနိုင်ပါဘူး မမြှင့်တင်ပေးနိုင်ပါဘူး ဒီနေရာမှာ နည်းနည်းပြောချင်တာက တန်ဖုိုးကိုပါ တန်ဖိုးဆိုရာမှာလဲ တန်ဖိုးနဲ့ ဈေးနှုန်း ကွဲပြားဖို့ လိုပါတယ် ဥပမာ သူဌေးသားတစ်ယောက်နဲ့ ရာထူးဂုဏ်သိမ်တွေဟာ ဈေးနှုန်းဖြစ်ပါတယ် ပက်ဝန်းကျင်ပယောဂနဲ့ ရန်သူမျိုးငါးပါးကြောင့် အချိန်မရွေးပျက်စီး သွားနိုင်ပါတယ် ဆိုလိုချင်တာက ကိုယ်ပိုင်မဟုတ်တဲ့ အရာပေါ့ဗျာ ကိုယ်ကျင့်သိက္ခာပိုင်း ဖြစ်တဲ့ မေတ္တာ၊ ဂရုဏာ၊ မုဒိတာ၊ ဥပေက္ခာ ကြတော့ ကိုယ်ရဲ့ ကိုယ်ပိုင်တန်ဖိုးဖြစ်ပါတယ် ၀ယ်ယူလို့မရသလို တောင်းယူလို့ လဲမရပါဘူး ဘယ်သူမှလဲခိုးလို့မရပါဘူး ဘာကြောင့်မှလဲ မပျက်စီးနိုင်ပါဘူး ကိုယ်တိုင်ကျင့်ကြံ စောင့်ထိန်းနိုင်သမျှ တည်နေတဲ့အရာပါ သံသရာမှာလဲ ကိုယ်နဲ့အတူ လိုက်ပါကာ ကိုယ့်ကို ကောင်းအောင်ဖန်းတီးပေးမယ့် ကံတရားတွေဆိုရင် လဲမမှားပါဘူး နောက်ပြီး ဒီတရားတွေဟာ လူ့ယဉ်ကျေးမူ့တိုးတက်ရေးအတွက် အခြေခံအုတ်မြစ်ဖြစ်ပါတယ် လောကကြီးကိုအေးချမ်းစေတဲ့ ဒီတရားတွေဟာ ကိုယ့်နှလုံးသားထဲမှာ ဘယ်လောက်ကိန်းနေသလဲဆိုတာနဲ့ပဲ လူတန်ဖိုးကို တိုင်းလို့ရပါတယ် ဒါကြောင့် စိတ်ပိုင်းဆိုင်ရာဖြစ်တဲ့ ကိုယ်ကျင့်သိက္ခာကို ထိန်းသိမ်းနိုင်မှာသာ လူရဲ့ဘ၀တန်ဖိုးကို မြင့်မားအောင် ဆောင်ကျင်ပေးနိုင်မှာ ဖြစ်ပါတယ် ရုပ်ပိုင်းဆိုင်ရာပြည့်စုံမူ့ ကိုဖန်တီးနိုင်သူကိုတော့ လူတော်လို့မြင်မိပါတယ် ဒါပေမယ့် လူကောင်းမဖြစ်သေးပါဘူး။ နောက်တစ်ခုတိုက်တွန်းချင်တာကတော့ သူငယ်ချင်းတို့ဟာ လူတော်ဖြစ်နေတယ်ဆိုရင် လူကောင်းဖြစ်သွားအောင် လာချင်းကောင်းခဲ့တဲ့ မိမိတို့ဘ၀ကို ကျေးဇူးဆပ်သောအားဖြင့် မိမိတို့ဘ၀ရဲ့ အချိန်တစ်စိတ်တစ်ပိုင်းကို တစ်ခြားသူတွေအတွက် အသုံးပြုလိုက်ကြပါ သူငယ်ချင်းတို့ဟာ ကြင်နာတတ်တဲ့မျက်လုံးနဲ့ ကြည့်မယ်ဆိုရင် လောကကြီးမှာ အကူအညီ လိုအပ်နေသူတွေ အများကြီးကိုတွေ့ရမှပါ ဒီလိုသာလုပ်ခဲ့နိုင်မယ်ဆိုရင် သူငယ်ချင်းတို့ဟာ လူတော်ဖြစ်သလို လူကောင်းလဲဖြစ်မှာ သေချာပါတယ် ဒါကြောင့် လူတော်ဖြစ်ရုံနဲ့တင်းတိမ်မနေပဲ လူကောင်းဖြစ်အောင်ကြိုးစားဆို့ဗျာ......................................

နာဂစ်မုန်းတိုင်းမိ ပြည်သူများအတွက် နေထိုင်စားသောက်ရေး ကူညီပေးကြရန် ကိုယ့်အမြင်ဖြင့် ခံစားတင်ပြခြင်းဖြစ်ပါတယ်ဗျာ.....

သတို့သမီးအလိုရှိသည်။

ကျွန်တော်မိန်းမတစ်ယောက် လောက်ယူရင်ကောင်းမလားလို့ စိတ်ကူးကြည့်မိပါတယ် ဒီစိတ်ကူးလေးကို အကောင်အထည်ဖေါ်ကြည့်တော့ ဘယ်လိုမိန်းမမျိုးက ကျွန်တော်နဲ့ လိုက်ဖက်မယ်ဆိုတာကို ပြန်ပြီးစဉ်းစားကြည့်တော့

၁။ ကျွန်တော် ယူမယ့် မိန်းမက လူတိုင်းငေးမော်ရလောက်အောင် အလှဘုရင်မလေးလို လှစရာမလိုပါဘူး ကုိုယ်လုံးကိုယ်ပေါက် အပိုအလိုမရှိပဲ အနေတော်လေးနဲ့ ချစ်စရာကောင်းရင်အဆင်ပြေပါပြီ။ ကျွန်တောကျီစားရင် ကျီစားမှန်းသိရမယ်။

၂။ ကျွန်တော်ယူမယ့် မိန်းမဟာ ငွေကြေးချမ်းသာစရာမလိုပါဘူး ခေတ်ပေါ်အ၀တ်အစားတွေကို

ဝတ်နိုင်စားနိုင်ရင်လုံလောက်ပါပြီ။

၃။ မင်္ဂလာဆောင်မယ်ဆိုရင်လဲ ခုခေတ်ကုန်ကျစရိတ်ကို ချွေတာတဲ့အနေနဲ့ကျွန်တော်ယူမယ့် မိန်းကလေးက တစ်ဝက် သူ့မိဘတွေက တစ်ဝက်စီ ကုန်ကျခံရပါမယ်။

၎။ အသွင်မတူရင် အိမ်သူမဖြစ်ဘူးဆိုတာကို ကျွန်တော်နားလည်ပါတယ်၊ ဒါကြောင့် လက်ထပ်ပြီးစမှာ စိတ်တူကိုယ်တူဖြစ်အောင်လုပ်ပါမယ် ဥပမာ ကျွန်တော်တစ်နေ့တာလုပ်ငန်းတွေပြီးလို့ အနားယူတဲ့အနေနဲ့ အရက်သောက်ချင်တယ်ဆိုရင် သူက အမြည်းလုပ်ပေးမယ် အရက်စက်ပေးမယ်ပေါ့၊ နောက်ပြီး ရုပ်ရှင်ရုံမှာ နေတိုးကားသစ်တင်လို့ သူကသွားကြည်ချင်တယ် ကျွန်တော်က အဲ့ဒီမင်းသားမကြိုက်ဘူး မသွားဘူးငြင်းတယ်၊ အဲ့လိုအခြေအနေမျိုးဖြစ်လာရင် နှစ်ယောက်စလုံးမသွားတော့ဘူး မြ၀တီကလာတဲ့ကိုရီးယားကားပဲကြည့်မယ်။

၅။ သူမရဲ့ကျန်းမာရေးကိုလဲ ကျွန်တော် ဂရုစိုက်မယ် ချိုလွန်းတဲ့အစားအစာတွေ ဥပမာ ဈေးကြီးပေးရတဲ့ ချီစ်တို့ချောကလက်တို့ကို သူမကို လက်ဖျားနဲ့တောင်မထိစေ၇ပါဘူး၊ အနှစ်နာခံပြီးကျွန်တော်ပဲစားမယ်။

၆။ ကျွန်တော်ယူမယ့် မိန်းမကို ခေတ်နဲ့အညီ စတိုင်ကျကျဆင်ပေးပါမယ် ဒါပေမယ့် လောဘသားတွေ အန္တရာယ်က ကာကွယ်တဲ့အနေနဲ့ ရွှေတွေစိန်တွေကိုပေးမ၀တ်ဘူး ဈေးကြီးပေးရတဲ့အ၀တ်အစားတွေမ၀တ်စေရဘူး။ ပိုက်ဆံကိုပေးမသုံးပါဘူး။

ရ။ ထမင်းဟင်းနဲ့ပက်သက်ပြီး သူမ ဘယ်လိုချက်ချက် ကျွန်တော့်အတွက် အရေးမကြီးပါဘူး အရသာရှိရင်တော်ပါပြီ မြန်မာဟင်းကြီးပဲချက်စရာမလိုပါဘူး၊ ဒီနေ့မြန်မာစာ နောက်နေ့တရုတ်စာ နောက်တစ်နေ့ ရှမ်းစာ စသဖြင့် ပြောင်းလဲပြီးချက်ရင်လဲလက်ခံပါတယ် အဲ့ဒီဖက်မှာ သူမကို လုံးဝလွတ်လပ်ခွင့်ပေးထားပါတယ်။

ဂ။ အိမ်သန့်ရှင်းရေးအတွက် ကျွန်တော်သူမကို ဘာမှတောင်းဆိုမှာ မဟုတ်ပါဘူး အိမ်ရှင်မကောင်းတစ်ယောက်ပီသရင်သူမရဲ့အသိစိတ်နဲ့လုပ်ပါလိမ့်မယ် ကျွန်တော့်အ၀တ်အစားတွေကို မီးပူတိုက်ဖို့မပြောပါဘူး သန့်ရှင်းသပ်ရက်နေရင်တော်ပါပြီ။

၉။ လှည်းကျင်းလျှောဖွတ်ရလို့ သူမ ပင်ပန်းနေပြီဆိုရင် သူမကို အနားယူခိုင်းပါမယ် အမောပြေပြီဆိုမှ ကျန်တဲ့ ပန်ကန်ခွက်ယေက်တွေကိုဆေးခိုင်မယ်၊ ဈေးသွားမယ်ဆိုရင်လဲ ကျွန်တော်အမြဲလိုက်ပါမယ် အတူတူသွားပြီး ဈေးခြင်းတောင်းကို ကျွန်တော်ကိုင်မယ် အပြန်ကြမှသူမကို အလှည့်ပေးမယ်။

၁၀။ နောက်ဆုံးတစ်ခုကတော့ ကျွန်တော့် သဘောထားနဲ့တိုက်ဆိုင်သမျှ သူမပြောတာကို လက်ခံနားထောင်မယ်၊ နောက်ပြီး ကျွန်တော် အမိန့်ကို အမြဲတမ်းနာခံရမယ်လို့ ကျွန်တော်ဘယ်တော့မှ မပြောပါဘူး ကျွန်တော့်ဆန္ဒတွေကိုဖြည့်ဆည်းပေးရင် ကျေနပ်ပါပြီ မဖြည့်ဆည်းပေးနိုင်ဘူးဆိုရင်လား၊ နောက်တစ်ယောက်ရှာပစေပေါ့ သဘောထားကြီးစွာနဲ့ ခွင့်လွတ်လိုက်မယ် ဟုတ်ဘူးလားနော့်

ဟုတ်ကဲ့ ခုလိုကျွန်တော့်ရဲ့ဆန္ဒတွေကို စိတ်ရှည်လက်ရှည် ဖက်ပေးတဲ့အတွက် ကျေးဇူးတင်ပါသည်

အထက်ဖေါ်ပြပါ အချက်များကို လက်ခံနိုင်မယ့် သတို့သမီးလေး တွေ့ရှိထားရင်ဖြင့် ကျွန်တော့်

အီးမေးလ်ကို ဆက်သွယ်အကြောင်းကြားနိုင်ပါတယ်ခင်ဗျာ...

သိစေချင်သည်

တစ်နှစ်သာ၏ ရာသီကာလ ဆောင်းအကုန်နွေအကူး စပ်ကြားမက်ကြား ကာလ အချိန်အားဖြင့် မြူနှင်းများ ကင်းရှင်းခါစ နံနက် ခုနှစ်နာရီ ၀န်းကျင် ကျွန်တော် အိပ်ယာထလို့ရေမိုးချိုးပြီးခဏမှာပဲ ''တီတီ'' ဆိုတဲ့ ကြားနေကြ ဆိုင်ကယ်ဟွန်းသံနှင့်အတူ သူငယ်ချင်း တစ်ယောက်ရဲ့ ခေါ်သံကို ကြားလိုက်ရသည်။ ကပိုကရို့ဝတ်ကာ သူငယ်ချင်းဆိုင်ကယ်နဲ့ အတူ ထွက်လာခဲ့တယ် စားနေကြ ရှမ်းခေါက်ဆွဲဆိုင်လေး ရောက်တော့ ကိုယ်စားချင်းတာ မှာပြီးစားနေတုန်းမှာပဲ ''တို့ဟူးနွေးသုံးပွဲ ခေါက်ဆွဲမထည့်ဘူးအကြော်နဲ့ထည့်ပေးပါ'' ဟေမာန်ဆောင်းရဲ့ နံနက်ခင်းထက် အေးမြပြီး အဖြူရောင်မြူနှင်းတွေလို နူးညံသော အသံလှိုင်းတစ်ခု နားထဲကို စီးဝင်လာပါသည်။ ဒီအသံလေးကိုကြားရတော့ အသံရှင်ကို သိချင်လာတာနဲ့ မျက်လုံးကို အသာပင့်ပြီး ကြည့်လိုက်တော့ ပါးတစ်ဖက်စီမှာ မခြောက်သေးတဲ့ သနပ်ခါး အ၀ိုင်းလေးသုံးခု၊ ပြီးတော့ ပိုးသားလို နူးညံပြီး ရှည်လျားတောက်ပတဲ့ ဆံကေတာကို ပိုင်ဆိုင်ထားသူ၊ တစ်ခါမြင်ရုံနဲ့ ဘယ်တော့မှ မမေ့နိုင်အောင် ရင်ထဲစွဲဝင်သွားစေမယ့် အလှပိုင်ရှင်ပါ၊ ကောင်မလေးနဲ့ အကြည့်ချင်း ဆုံသွားတဲ့ အခိုက်မှာ အိပ်ရေ၀၀ အိပ်ထားရသဖြင့် မျက်ဝန်တွေက ကြည်လဲ့ကာနေပြီး၊ နှုတ်ခမ်းဖူးဖူးလေးရဲ့ အလှကို ပိုပီပြင်စေဖို့ အတွက် စိုအိနေအောင် ဆိုးထားတဲ့ နှုတ်ခမ်းနီတန်ဖိုးက သောင်းအောက်မှာမရှိနိုင်ပါဘူး။ ရင်တွေခုန်လွန်းလို့ စားနေသည့် ခေါက်ဆွဲအရသာ ဘယ်ရောက်သွားလဲ မသိတော့ဘူး။ သူမှာထားတဲ့ ခေါက်ဆွဲလေး မရသေးပါစေနဲ့လို့ ဆိုတဲ့ ဆုတောင်းက မပြည့်ခဲ့ပါ ဆိုင်ရှင်က ပါဆယ်ထုပ်ကို လှမ်းပေးပြီး ကျသင့်ငွေကို ယူပြီးနေပြီ၊ လှစ်ကနဲ့တစ်ချက်ကြည့်ပြီး ဂန္ဓ၀င်ဆန်စွာ လှည့်ထွက်သွားတဲ့ သူကျောပြင်ကို ငေးကြည့်နေမိပြီး ကျွန်တော့်အာရုံမှာ ပက်ဝန်ကျင် တစ်ခုလုံး မရှိတော့ဘူး၊ သူငယ်ချင်းက လက်တိုိ့ပြီး သွားမယ်ဆိုမှပဲ အသိတွေပြန်ဝင်လာခဲ့တယ်၊ ဒါနဲ့ ကောင်မလေးနောက်ကို လိုက်လာကြပြီး လမ်းမှာ သူငယ်ချင်းက ''စတိုင်မိတယ်ကွာငါတော့နှလုံးသားမှာတစ်ခါထဲကိုနေရာပေးလိုက်ပြီ'' ခုနက ကြည်နူးနေတဲ့ ကျွန်တော်ရဲ့စိတ်တွေ ဘယ်ပျောက်ကုန်လဲ မသိတော့ဘူး အခင်မင်ရဆုံး သူငယ်ချင်းလဲဖြစ်ပြန်၊ ကိုယ်ကိုယ်တိုင်ကလဲ အချစ်ရေးကို ဦးစားမပေးနိုင်သေတာက တစ်ကြောင်းကြောင့် သူငယ်ချင်းရဲ့ ခံစားချက်ကို ဦးစားပေး လိုက်ပါသည်။ ကျွန်တော့်သူငယ်ချင်း အကြောင်းကိုလဲ သိနေတယ်လေ မိန်းကလေးတွေဆိုရင် ထည်လှဲတွဲနေရတာကို ဂုဏ်ယူနေတတ်တဲ့သူပါ သူ့ရည်းစားတွေ များလွန်းလို့ကျွန်တော်ဆို မမှတ်မိဘူး မိဘကလဲ ချမ်းသာ ရုပ်ရည်ကလဲ ယောက်ျားချင်းတောင် ငေးယူရတဲ့သူဆိုတော့ မိန်းကလေးတွေ ၀ိုင်းဝိုင်းလည်တာ မဆန်းပါဘူး။

နှစ်ယောက်စလုံးက အချစ်နဲ့ မစိမ်းသူတွေ ဆိုတော့ သိပ်မကြာခင်မှာပဲ သူတို့နှစ်ယောက် ချစ်သူတွေ ဖြစ်နေကြပါပြီ၊ သူငယ်ချင်းကလဲ သူ့ရဲ့အချစ်သစ်နဲ့ အချိန်တွေကို ရင်ခုန်စွာ ဖြတ်သန်းနေပြီး၊ ကျွန်တော့်လဲ ကိုယ့်အလုပ်နဲ့ကိုယ်ဆိုတော့ တစ်ယောက်နဲ့တစ်ယောက် မတွေ့ဖြစ်ကြတော့ဘူး ကုန်ဆုံးသွားတဲ့ အချိန်တွေနဲ့အတူ တစ်နေ့သော နံနက် လေးနာရီ ကျော်ကျော်လောက်မှာ တံခါးခေါက်သံ ကြားလို့ ဖွင့်ကြည့်လိုက်တော့ ဒီကောင်ဖြစ်နေတယ် လူပုံစံက တော်တော်လေးကို နွမ်းနေပြီ '' ငါမင်းဆီမှာအိပ်မယ်ကွာ '' လို့ဆိုပြီးဝင်အိပ်ပါတယ်၊ မင်းဘယ်ကပြန်လာတာလဲလို့ မေးကြည့်တော့ ''ငါ့ကောင်မလေးဆီကနေ ပြန်လာတာပါ'' သိချင်စိတ်တွေတားမရတာနဲ့''မင်းအချိန်မတော် ဘာသွားလုပ်တာလဲကွ '' လို့ထက်မေးလိုက်တယ် ''အေကွာငါ့ကောင်မလေး မနက်ဖြန် မင်္ဂလာဆောင်တော့မယ် ဒါကြောင့်ငါသွားတွေ့လာတာ'' လို့ပြန်ပြောတယ် ကျွန်တော် ဒီကောင့်ကို လူယုတ်မာဘာညာဆိုပြီး ပက်ပက်စက်စက်ကို ဆဲတော့ သူကဘာပြန်ပြောတယ်မှတ်လဲ ''ဟေ့ကောင် မင်းဘာမှမသိပဲ မဇွတ်စွဲနဲ့ ငါ့ကောင်မလေးက သူမင်္ဂလာမဆောင်ခင် ယောက်ျားပီသပြီး ညဏ်ရည်ကောင်းတဲ့ အသွေးအသားကို ရသွား ချင်တယ်လိုိ့ပြောတယ်ကွ'' ကျွန်တော် ဘုရားတမိလိုက်တယ် မကြာခင်မှာ ကာမပိုင် ရှိတော့မယ့် သတို့သမီးလောင်း တစ်ယောက်အနေနဲ့ လုပ်သင့်လားမလုပ်သင့်လား ဘယ်လိုရှူ့ထောင့်ကကြည့်ကြည့် မကောင်းဘူးဆိုတာကို မစဉ်းစာမိကြဘူးလားမသိပါဘူး ခေတ်ကြီးက ဘာတွေဖြစ်ကုန်ပြီလဲ သူတို့တွေ အချစ်ကို ဘယ်လိုများနားလည် လက်ခံထားကြပါလိမ့်နော်၊ အချစ်ဆိုတာ ကစားစရာတစ်ခုလို ထင်နေတာလားမသိဘူး။ စိတ်ထဲမှာ မကျေမနပ်ဖြစ်နေပြီး ကောင်မလေးအကြောင်းကို သိချင်လာတာနဲ့ စုံစမ်းကြည့်တော့ ဒီကောင်မလေးကလဲ ခေသူမဟုတ်ဘူး မိဘက ချမ်းသာတော့ လိုလေသေးမရှိအောင် ဖူးဖူးမှုတ်ထားတဲ့ကြားက ကောင်လေးတစ်ယောက်နဲ့ ခိုးရာလိုက်ပြေးသွားပြီးမှ အသက်မပြည့်သေးလို့ ခွဲထားရတယ်ဆိုပဲ၊ ခွဲထားလိုက်လို့ ငြိမ်ပြီလားဆိုတော့ အဲ့ဒီဖက်မှာ ၀ါသနာ ပါတယ်ပဲ ဆိုရမလားမသိဘူး ကောင်လေးတွေနဲ့ တွဲလိုက်တာ တစ်ယောက်ပြီးတစ်ယောက် ရှေ့က ဆိုင်ကယ်မောင်းတဲ့ သူသာပြောင်းသွာမယ် နေက်မှာသူက ပင်တိုင်ပ၊ဲ မိန်ကလေး တို့ရဲ့ သိက္ခာဟာ အပျိုစင် ဆိုတဲ့ ဂုဏ်ပေါ်မှာ တည်တယ် ဆိုတာကို ဒီကောင်မလေး မသိတာလား မသိချင် ယောင်ဆောင်တာလားဆိုတာကို သူတာအသိဆုံး ဖြစ်လိမ့်မယ်၊ စိတ်အလိုကိုလိုက်ပြီး စိတ်ခံစားမူ့ကို ဦးစားပေးလိုက်လို့ ခံစား၇တဲ့ သာယာမူ့ထက် မလိုလားအပ်တဲ့ နောက်ဆက်တွဲ ပြသာနာက ပိုကြီးမှာပြီး ဖြေရှင်း၇ခက်တယ် ဆိုတာကို ပြောပြလိုက်ချင်ပေမယ့် လူဆိုတာက ကိုယ့်ကံကြမ္မာကိုယ်ဖန်းတီးပြီး ကိုယ့်ဘ၀ကိုယ် ကိုယ်ပဲ လျှောက်လှမ်းကြရတာမို့လား ဒီလိုပြောလိုက်လို့ ကျွန်တော့ကို ကိုယ်ချင်းမစားဘူး ပြောပြော အတ္တကြီးတယ်ဆိုချင်ဆို ပြန်လဲပြင်ဆင်လို့မရတော့ တဲ့အမှားကို ပြောနေလို့လဲ ကိုယ့်ကိုယ်မုန်းယုံကလွဲလို့ ဘာများဖြစ်လာနိုင်မှာလဲ ဒီတော့ လျှစ်လျှူရူ့လိုက်တာ အကောင်းဆုံးပဲလို့ထင်လိုပါ၊ တစ်နေ့မှာ ကျွှန်တော့်သူငယ်ချင်း မိသားစုက သူတို့သားရဲ့ medical check လုပ်ထားတဲ့ result ကို ပြတယ် အိစ်အိုင်ဗွီ positive တဲ့ ကဲမခက်လားဗျာ နှစ်ယောက်လုံးက အရှုပ်ထုတ်တွေ ဆိုတော့ ဘယ်နားကနေဘယ်လို ကူးစက်လားလဲ မသိတော့ဘူးလေ ကျွန်တော့်သူငယ်ချင်းလဲ အဲ့ဒီနေ့စလို့ စိတ်ဓာတ်ကြသွားပြီး အမြဲတမ်း ပျော်ရွှင်အောင် နေတတ်တဲ့သူက ငေါင်တောင်တောင်နဲ့ တွေဝေနေတော့တာပါပဲ စကားလဲ သိပ်မပြောတော့ဘူး၊ ဒီလိုနဲ့တစ်နေ့မှာ သူ့အိမ်ကဖုန်းဆက်လာတယ် မင်းသူငယ်ချင်း ဘာဖြစ်တာလဲ မသိဘူး အမြန်လာခဲ့ဆိုလို သွားလိုက်တယ် အိမ်ထဲကိုအ၀င်မှာပဲ သူငယ်ချင်းက ကြမ်းပြင်မှာလူးလိမ့်နေပြီ၊ ဆေးရုံကို အချိန်မှီပို့လိုက်နိုင်ပေမယ့် သူ့အသက်ကို မကယ်နိုင်ခဲ့ပါဘူး ဆေးရုံကို ရောက်ပြီးခဏမှာပဲ အားလုံးကို ခွဲခွာသွားခဲ့ပါတယ်၊ သူရဲ့အိပ်ခန်းကို ရှာကြည့်လိုက်တော့ သောက်လက်စကော်ဖီခွက်နဲ့ ခွက်ဘေးမှာ ခုခေတ်စားနေတဲ့(ယာမ)လို့ ခေါ်တဲ့ စိတ်ကြွရူးသွတ်ဆေးပြား ကိုတွေ့ရတယ် ဒီဆေးက ရူရတာပါ သောက်လို့မရပါဘူး သောက်လိုက်မိရင် ကလီစာတွေပျက်ပြီး သေတတ်ပါတယ်၊ အပြင်းစားအက်ဆစ် တစ်မျိုးနဲ့ ထုတ်လုပ်ထားတဲ့ ဆေးပြားပါ။ တစ်ဆက်ထဲမှာပဲ ဟိုကောင်မလေးကို သတိရလိုက်ရင်းနဲ့ ကောင်မလေးရေ မင်းဒီလိုကံဆိုးမူ့တွေ မကြုံတွေ့ ပါစေနဲ့လို့ဆိုပြီး ရင်ထဲကနေ လှိုက်လှိုက်လှဲလှဲ ဆုတောင်ပေးလိုက်မိပါတယ်။

ပြောချင်တာကတော့ လူတစ်ယောက်ရဲ့ ဂုဏ်သိက္ခာကို ထိန်းသိမ်းဖို့ လိုအပ်တာက ကိုယ်ကျင့်တရားပါ ရိုးသား၇မယ် သစ္စာရှိရမယ် ဒါတွေဟာ ၀ယ်ယူလို့မရသလို တောင်းယူလို့လဲမရပါဘူး ကိုယ်ကိုယ်တိုင် စောင့်ထိန်းပြီးမှ ကျင့်ယူ၇မယ့်အရာပါ။ နောက်ပြီး အချစ်ကို အလေးမထားတတ်တဲ့ ယောက်ျားနဲ့ အချစ်ရဲ့တန်ဖိုးကို နားမလည်တဲ့ မိန်းကလေးတို့ ဆုံးဆည်းမိကြရင် မဖြစ်သင့်တာတွေဖြစ်ပြီး ကိုယ်ကိုယ်တိုင်လဲဒုက္ခရောက် ကိုယ့်အသိုင်းအ၀ိုင်းလဲ မျက်နှာမလှနိုင်ပါဘူး ဒါကြောင့် အချစ်နဲ့ပက်သက်ပြီး တဒင်္ဂစိတ်ခံစားမူ့ကို ဦးစားမပေးမိကြစေပဲ ရှင်သန်ရာ လောကကြီးမှာ (ပြန်လည်ပြင်ဆင်လို့ မရတဲ့အမှားမျိုး) ဘ၀နဲ့ရင်းပြီးမှားတဲ့ အမှားမျိုး ဘယ်တော့မှ မမှားကြပါစေဖို့ စေတနာအရင်းခံကာ အသိပေးလိုက်ပါရစေ။ နောက်ဆုံး မြင့်မြတ်တဲ့ ချစ်ခြင်းတရားကို မဖန်တီးနိုင်သေးရင်တောင် ညစ်ညမ်းအောင် မလုပ်မိကြစေဖို့ အပြုသဘောနဲ့ ရေးသားအကြံပြုရင်း ခဏတာ နားပါရစေ။

အဖြေရှာရအောင်

အစက်လေးကို စိုက်ကြည့်နေရင် ဘေးက အရောင်လေးတွေ လှုပ်ရှားနေတယ်ဗျ.........ကောင်လေးနဲ့ ကောင်မလေး မျက်နှာချင်းဆိုင်ပြီး ဘာတွေလုပ်နေပါလိမ့်...ဟီး

ဆိုဒ်ဆိုဖုန်း မုတ်နေပေမယ့် မျက်နှာလေးတစ်ခုလဲရှိသေးတယ် ဗျ.......ကောင်မလေးနဲ့ အဖွားကြီးပါ မြင်အောင်ကြည့်နော...... ရုတ်တရက်ကြည့်ရင်နဂါးနဲ့မြင်းဖိုက်တင်ပေးနေတယ်ထင်ရပေမယ့်သေချာကြည့်မှကိုယ်တော်မြတ်ဖြစ်နေတယ် ဒါကတော့ ရှင်းပါတယ် ချစ်သူနှစ်ဦး ညစာအတူတူ ၀ါးတီးဖွင့်နေတယ် အားကြလိုက်တာဗျာ...ဟီး မြေခွေး ငါးကောင်တောင် ရှိတယ်ဆိုပဲ ရှာကြည့်ပါအုံး....... အင်္ဂလိပ်စာလုံး လေးလုံးရေးထားပါတယ်တဲ့ ရှာကြည့်ပါနော....အင်္ဂလိပ်စာကိုဖတ်ပြီးသူပြောတဲ့ဟာကိုတွေ့အောင်ကြည့်ပေါ့... အထဲကစက်ဝိုင်းလေးက လှုပ်နေတယ်ဆိုပဲ.......

အ၀ါရောင်စက်ဝိုင်းတွေကိုကြည့်ရင်နဲ့ လေးထောင့်တွေဖြစ်သွားတယ်နော....... အဖြူရောင်ထဲကအမည်းစက်တွေကို သေချာကြည့်ရင်မရှိတော့ဘူးဗျ........